Nagbalin met a naannayas ken natalna ti probinsya ti Kalinga manipud nangrugi ti umuna nga aldaw ti filing of certificate of candidacy agingga a nagleppas daytoy.
Iti pannakiuman ti Bombo Radyo kenni Kalinga Police Provincial Office spokesperson Pcapt. Ruff Manganip kinunana nga awan met ti makitkita dagitoy a mabalin a mangdadael iti proseso daytoy agingga inton 2025 midterm elections.
Daytoy ket babaen iti nainget a panagbantayda iti nasao a probinsya.
Sigun kenkuana awan met ti naimatangan dagitoy a private army agsipud ta napinstas met ket minmintinerenda ti kultura-da sadiay.
Kinunana met nga awan metlaeng ti naimatanganda a kandidato nga agar-aramat kadagiti marijuana wenno aniaman nga illigal a droga.
Nupay kasta, adda ti nailista dagitoy a dua a kaso ti robbery rason a manarimaan metten ti panangimbestigarda kadagitoy.
Kabayatanna, impasigurado met ni Manganip ti nainget a panagbantay dagitoy partikular kadagiti checkpoints, patroling, mobile patrols ken dadduma pay bente kwatro oras tapno maipaayan dagiti umili iti seguridad dagitoy.
