--Ads--
BAGUIO CITY – Maiyaw-awis iti publiko ti maangay a public hearing seknan iti maisaksakad a panakaipangato ti entrance fee iti Baguio Botanical Garden.
Maangay ti nasao nga panagdenggeg intun Mayo 25 ti agdama a tawen iti Baguio Convention Center nu sadinno kangrunaan a matalantan nu rumbeng wenno panawenen a maipangato ti entrance fee sadiay.
![](https://img.bomboradyo.com/baguio/2022/03/274906939_283233040552523_4637681832334054413_n.jpg)
Iti agdama ket dumanon iti P5 agingga P10 ti entrance fee ti kolkolektaren ti lokal a gobierno iti Botanical Garden kas maibasar iti probisyon ti Environmental Code ti siudad a naipasa idi 2016.
Maipalagip a nailukat iti publiko ti nasao nga parke wenno garden idi Marso 6, 2022 kalpasan a naipasidong iti rehabilitasyon kabayatan ti COVID-19 pandemic.