Nagdadapon da Russian President Vladimir Putin,North Korean Leader Kim Jong Un, ken Chinese President Xi Jinping para iti massive military parade ita nga aldaw kagiddan ti panakalagip iti maika-80 nga anibersaryo iti panagleppas iti World War II.
Manamnama met a dumar-ay iti nasao nga aktibidad ti presidente iti Iran.
Kagiddan ti panagdadapon dagiti nasao a lider ket ti panangipakitada iti solidarity mainaig iti Ukrainian ken Western concerns.
Immuna a sinangaili ni Xi ni Putin iti Great Hall of the People ken iti personal a pagnanaedan daytoy nu sadino, inawaganna ti Russian leader kas old friend.
Kasaruno dayta, simmangpet met ni Kim idiay China babbaen iti armoured train kadwa ti anak daytoy a ni Kim Ju Ae.
Idi laeng Lunes, sinangaili metlaeng ni Xi ni Indian Prime Minister Narendra Modi a maysa kadagiti pagilian nga ak-akusaran iti Estados Unidos a mangtultulong iti war efforts ni Putin gapu iti panaggatang daytoy iti Russian oil.
Kabayatanna,iti baet iti panagsasarak dagiti nasao a lider, saan pay a nalawag nu mangipasimudaag daytoy iti ad-adda pay a naregta a defence relations a mabalin a mangbalbaliw iti military calculus iti Asia-Pacific region.
