Inkeddeng ni Vice President Sara Duterte a sarungkaran dagiti atleta nga adda iti pag-agasan, isu’t gapuna nga awan daytoy iti opening ceremony iti Palarong Pambansa 2024 idi kalman, Hulio a nuebe iti agdama a tawen.
Kinumpirmar daytoy ni Undersecretary Michael Poa, panakangiwat ti Department of Education, nu sadino kinunana a sinarungkaran ni Duterte dagiti dua nga estudiante nga atleta a naikeddeng a makisalip iti Palaro nga adda iti pag-agasan gapu iti dengue.
Nupay kasta, nangipaay ni Vice President Duterte iti panangkablaaw kadagiti amin nga atleta, dagiti pagadalan a makisalip ken dadduma pay babaen iti social media post ti Department of Education.
Kabayatanna, napaay dagiti sumagmamano a netizem a nangnamnama iti kaunaan a public eventda President Ferdinand Marcos Jr. ken Vice President Duterte sipud idi nagikkat ti Duterte kas Education Secretary ti Department of Education.
