Nagun-oden ti rehion Cordillera iti maikasiam a pwesto iti panagleppas ti Palarong Pambansa 2025.
Naala ti rehion Cordillera ti 17 a gold medals a kangrunaan a nagtaud kadagiti combat sports kas iti Taekwondo, Wushu, Wrestling ken Archery.
Pakabuklan a 41 ti nagun-od a medalya iti nasao a delegasyon a buklen iti nadakamat a bilang iti gold medal, 13 a silver ken 11 a bronze.
Kabayatanna, napagtalinaed ti National Capital Region ti kapionato kalpasan a nakagun-ud iti 117 gold, 70 silver ken 50 bronze medal.
Maikadua met ti Region 4 wenno Calabarzon a nakagun-od iti 47 golds, 68 Siver ken 66 a bronze medals.
Maikatallo met ti western Visayas, maikappat ti Davao Region, maikalima ti Northern Mindanao.
Ti Host region nga Ilocos Region ket adda iti maikasangapulo ket dua a pwesto a nakagun-od iti 13 a gold medal, 16 a silver ken 27 a bronze.
