Manarimaan ti pannakaiproseso para iti repatriation dagiti dagiti bangkay dagiti tallo a pimmusay nga Overseas Filipino Workers (OFW) a karaman iti pannakauram ti maysa a pasdek idiay Kuwait.
Sigun kenni Overseas Workers Welfare Administration (OWWA) administrator Arnel Ignacio, nakasagana dagitoy a mangipaay iti tulong para kadagiti biktima.
Maipalagip nga immunan a kinumpirmar ni Department of Migrant Workers Sec. Hans Leo Cacdac a pimmusay dagiti tallo nga Overseas Filipino Workers (OFW) gapu iti smoke inhalation.
Karaman dagiti tallo a biktima kadagiti sangapulo ket maysa nga Overseas Filipino Workers (OFW) a mangmangged iti maymaysa a Kuwaiti construction company nga agnanaed iti nauram a pasdek.
Kabayatanna, kritikal latta ti kasasaad dagiti dua nga Overseas Filipino Workers bayat a dagiti innem a kadua ket adda iti nasayaat a kasasaad.
Iti agdama, agtultuloy latta ti imbestigasyon iti rason ti pannakauram ti nasao a pasdek a nakatayan dagiti uppat a pulo ket siyam nga indibidual.//Rose
