Kinuwestionaran ti Manila Representative Benny Abante ni Batangas Rep. Gerville Luistro gapu iti panangdakamatna kenni SAGIP Partylist Representative Paolo Marcoleta kas ‘her’ ken ‘she’ kabayatan iti hearing iti lower house idi kalman.
Gapu iti dinakamat ni Representative Luistro, kinnidaw ni First Rider Partylist Representative Rodge Guiterrez a maikkat iti rekord ti dinakamat ni Luistro.
Dagos met nga kinorektar ni Luistro ti bagbagi na.
“As a response to the honorable Abante, we are addressing now the honorable Marcoleta as he, him, his, and the chair stands corrected,” sigun kenni Luistro.
Maipalagip nga idi napalabas nga impeachment proceedings kontra kenni Vice President Sara Duterte, kinuwestionaran met laeng ni Representative Marcoleta ni Luistro gapu iti pangipetteng ni Luistro a saan daytoy a miyembro ti House Panel no agkiddaw daytoy ti manifestation. //bombokaren.c.s
