Boluntaryo a simmuko kadagiti otoridad ita a rabbi ni si Cavite 4th District Representative Francisco “Kiko” Barzaga kalpasan a mangiruwar ti warrant of arrest ti Makati Regional Trial Court seknan iti walo a bilang ti cyber libel.
Sigun iti Branch 147 ti korte idiay Makati, nairekomedar ti gatad a P48,000 a piyansa tunggal bilang ti nasao a kaso wenno pakabuklan iti P384,000 para iti walo a bilang ti nasao a kaso.
Iti nasao a warrant nga impaulog ni Presiding Judge Karla Regina Valera-Chua, nabagaan dagiti pulis a nadutokan a mang-arestar kenni Barzaga a mangisuotda iti body-worn camera ken kanayunan a recording device kas maibasar iti pagalagadan ti Korte Suprema.
Immunan a nasuspindir ni Barzaga kas miyembro ti lower house gapu iti maatap a saan a nasayaat a karakter nga ipakpakitana iti lower house.
PIYANSA
Nupay kasta, kalpasan iti manu nga oras manipud iti boluntaryo a panagsukona iti kapulisan, nawayawayaan metlaeng daytoy kalpasan a nakapagpiyansa. //bombokaren.c.s
