BAGUIO CITY – Iyap-apela ti City Environment and Management Office Burnham kadagiti agturturong iti Panagbenga Market Encounter ti responsable a panangibelleng ti basura kalpasan a naduktalan nga adda dagiti basura a saan a segragated.
Iti interview ti Bombo Radyo kenni Joseph Hermogeno, ti Project Evaluation Officer II iti City Environment and Management Office, kinakurang ti disiplina ti maysa a makitkitada a rason iti daytoy.
Adda met ti nailatang a pagbasuraan para kadagiti dadduma pay a basura kas kadagiti nabubulok.
Sigun pay kenkuana, team effort ti mapaspasamak a pangimaneharda ti basura iti sibubukel a parke nangruna ita a mapaspasamak ti trade fair iti Burnham Park.
Inlawlawagna a babaen iti direktiba team effort ti mapaspasamak iti nagbaetan ti General Services Offices ken City Environment Parks and Management Office.
Adda met dagiti garbage managers a pang-agsapa ken pangmalem a mangimanmanehar ken mangmonitor iti basura.//Mae Bagsang
