Sipupuso nga inawat dagiti tattao sadiay South Korea ti panakaiwaragawag ti ruling ti constitutional court a guilty ni sigud a President Yoon Suk Yeol iti panangideklarana iti emergency martial law idi napalabas a tawen.
Iti panakiuman ti Bombo Radyo kenni Ruel Toquero, Bombo International News Correspondent sadiay South Korea, kinunana a nagkari dagiti umili sadiay nga awatenda no anyaman ti agbalin a resulta.
Ngem, sakbay a naiwaragawag ti nasao a ruling ket nangipatungpadal iti demonstrations ken rally dagiti tattao sadiay, dagiti pabor ken saan a pabor kenni sigud a President Yoon.
Daytoy ti rason a nagballaag ti embahada ti pagilian sadiay South Korea a rumbeng a saan a makipaspaset dagiti Pilipino kadagiti nasao nga aktibidad gapu ta daytoy ket panaglabsing iti linteg ti South Korea.
Sigun kenni Toquero, inpanamnama ni Yoon ti agtultuloy a panagserbisyo ti kapartidona kalpasan ti panakaikkatna kas President ti South Korea.
Nagdawat met daytoy iti dispensar kadagiti tattao gapu ta saannan a maituloy dagiti panggepna nga aramiden.
Iti sabali a bangir, dagiti makitkita a contender iti umadanin nga snap election ket da Lee Jae-Myung, Han Dong-Hoon, Kim Moon-Soo, Oh Se-Hoon, Hong Joon-Pyo ken Kim Dong-Yeon.
