Balligi a naipatungpal ti Rice and Shine, paset ti 17th Hotel and Restaurant Tourism Weekend iti maysa a kalatakan a mall iti siudad ti Baguio ita nga aldaw.
Para ita a tawen, ti centerpiece daytoy a selebrasyon ket ti panakaipaay tribute kadagiti minilmilyon a Pilipino iti industriya ti agrikultura babaen ti panagaramid iti nagduduma a variety ti fried rice.
Daytoy ti rason nu apay a nakikoordinar ti Hotel and Restaurants Association of Baguio kadagiti sangapulo ket dua nga establishemento para iti panakaaramid ti sangapulo ket lima a variety ti fried rice.
Iti nasao a nagduduma a kita ti fried rice, naaramat ti 1,600 a kilo ti bagas nu sadino nalaokan daytoy iti nagduduma a putahe kas iti shrimp, chinese sausage, itlog, pinuneg, kiniing, beef, lettuce ken daduma pay.
Naitampok ditoy dagiti kita ti fried rice a Vietamese Fried Rice, Salted Fish Fried Rice, Japanese Stir Pan Fried Rice, Tinapa Fried Rice, Beef Pares Supreme Fried Rice ken daduma pay.
Maipalagip nga idi napalabas a tawen ket ti “largest wedding cake” ti nagbalin a centerpiece ti Hotel and Restaurant Tourism Weekend.
