PHILIPPINES – Dumanonen iti 2.0 million MT ti rice imports iti pagilian a Pilipinas iti umuna a lima a bulan ita a tawen.
Maibasar iti datus ti Bureau of Plant Industry (BPI), ngimmato iti 20.3% ti inangkat ti Pilipinas a bagas nu idilig iti volume daytoy a naangkat iti kapada a panawen idi napan a tawen.
Idi laeng bulan ti Mayo, ti rice deliveries iti pagilian ket dimmanon iti 299,258.01 MT
Kabayatanna, kinuna ti Bureau of Plant Industry a nakairuar dagitoy ti pakabuklan a 4,066 sanitary ken phytosanitary import clearance kadagiti accredited importer ti bigas.
Nagtalinaed met a ti Vietnam ti kangrunaan a supplier ti bagas nu sadino dumanon iti 1.44 million MT ti naimport iti Pilipinas iti nasao a period.
Ti nasao a volume ket katukad ti 72.9% iti pakabuklan a rice imports iti pagilian.
Kabayatanna, simmaruno ti Thailand, Pakistan, ken Myanmar a kangrunaan a supplier ti Pilipinas.
