--Ads--
Pimmusay ti maysa a firefighter bayat ti rescue operations dagitoy kadagiti residente a natrapped bayat a rinibribu nga indibidual ti nagbakwit gapu iti napasamak a panaglayos idiay Southern Germany itay laeng kanikadua.
Sigun kadagiti otororidad, immunan a nagballaag dagitoy kadagiti umili nupay kasta, napilitan a nagbakwit dagiti 3,000 nga indibidual kalpasan a naawanan dagitoy iti water supplies iti pagtaenganda.
Pinagyamanan met ni Chancellor Olaf Scholz dagiti rescue workers a timmulong bayat ti panaglayos sadiay.
Kabayatanna, impasigurado ni Economy Minister and Vice Chancellor Robert Habeck a mangipaay daytoy iti tulong para kadagiti indibidual a naapektaran.
