Rinnibu a resident ti naawanan iti pagtaengan kalpasan a nauram ti agarup 1,000 a balay sadiay Sabah, Malaysia.
Sigun kadagiti opisiales ti fire department, napasamak ti uram idi Domingo a nangpupok kadagiti pagtaengan a naaramid iti light materials.
Sigun iti local police chief, dumanon iti agarup 9,000 a residente ti naapektaran.
Iti baet dayta, awan ti naipadamag a pimmusay wenno nadangran iti napasamak nga insidente.
Nupay kasta, agtaltalinaed a kritikal ti situasion gapu iti dakkel a karit sangsangwen ti komunidad.
Sigun kadagiti Emergency response teams, karit kadakuada ti panagturongda iti lugar gapu kadagiti akikid a dalan.
Malaksid iti dayta, napigsa ti pul-oy ti angin a nangitunda iti napartak a panagramaram ti apoy.
Maibasar iti inisyal nga imbestigasyon, nagrugi ti insidente gapu iti apoy manipud iti gas stove.
Iti agdama a manarimaan ti pannakaipaay ti tulong kadagiti apektado a residente.
