Idagdagadag ti Philippine National Police (PNP) iti publiko a saan nga agaramat iti paputok wenno palibang kadagiti residential areas bayat ti panangpasangbay iti baro a tawen.
Kiddaw ni Philippine National Police spokesperson Police Brigadier General Jean Fajardo iti tumunggal maysa a makipagtinnulong para iti seguridad ti amin nangruna kadagiti agnanaed kadagiti designated community zone.
Gapu iti dayta, impasiguradona a mangideploy dagitoy kadagiti pulis nangruna iti bisperas ti baro a tawen ken mangnayon pay dagitoy kadagiti force multipliers kadagiti residential areas tapno maliklikan ti insidente.
Idagdagadagna pay kadagiti kapadana daytoy a pulis tapno aramatenda laeng dagiti paltog dagitoy para iti trabaho ken no adda ti insidente a narisgo.
