BAGUIO CITY – Parikot latta dagiti opisyales sadiay La Trinidad, Benguet ti saan a panagtungpal dagiti umili sadiay kadagiti maipatpatungpal a minimum public health standards iti masakupan dagitoy.
Iti panakiuman ti Bombo Radyo Baguio kenni La Trinidad ABC President Charles Canuto, inaklonna nga adu paylaeng dagiti saan a sumursurot kadagiti pammilin nga ipapaulog dagitoy tapnu maliklikan iti ad-adda a panakaiwaras ti COVID19 sadiay.
Gapu iti dayta, kidkiddawenna ti panagtulnog dagiti umili sadiay, nangruna ti panangipangag dagitoy kadagiti pammilin nangruna ita a ngimmato ti kaso ti COVID-19 iti munisipyo kasaruno ti panakailista ti dua a kaso ti Delta variant iti La Trinidad ken iti panakapunnon dagiti quarantine facilities dagitoy.
Inyapelana metlang ti panakibinnadang dagiti umili nangruna dagiti COVID patients kadagiti contact tracers nangruna iti panangibagada iti umno nga impormasyon dagiti nakapulpulapol dagitoy.
Dinakamatna nga adda dagiti indibidual sadiay La Trinidad a na-contact trace ngem saan a nangibaga iti umno nga imporasyonda ken saan a simmurot iti quarantine protocols
VC CANUTO
Kabayatanna, impannakkel ni Canuto nga addan dagiti sumagmamano a barangay sadiay La Trinidad nga addaan ti bukod nga isolation facility a mabalin a maaramat iti kanito a mapunno dagiti amin nga isolation facility ti munisipyo.
Guyguyuguyenna pay manen dagiti umili ti La Trinidad nga agpabakuna kontra iti COVID-19 no adda ti gundaway para metlang iti kanayunan a proteksyon ti salun-at ken pamilya dagitoy kontra iti nasao a sakit.
VC CANUTO 2 (ni La Trinidad ABC President Charles Canuto)
