![](https://img.bomboradyo.com/baguio/2022/05/283113603_3485901711629819_9197822353410956771_n.jpg)
![📸](https://static.xx.fbcdn.net/images/emoji.php/v9/t37/1.5/16/1f4f8.png)
BAGUIO CITY- Mapagladladingatan ti saan a pannakagatang ti sumagmamano nga apit dagiti mannalon sadiay Benguet gapu iti nababa a presyo ken kinaawan dagiti buyers.
Itay laeng nabiit ket adda ti maysa a mannalon a nangibargain wenno nangilako iti apitna a carrot iti nababa kadagiti naayat a gumatang.
Sigun iti maseknan, inparadana ti luganna sadiay Cabanao, Balili, La Trinidad ken ditoy nga inlakona ti apitna a carrot iti P10 tunggal kilo tapno adda laeng ti panggasolinana nga agawid.
Dinakamatna a duwan nga aldaw ngem saan a nadispose ti kargana iti Benguet Agri-Pinoy and Trading Center (BAPTC)/ trading post.
impeksana met ti panagyamanna gaputa agingga ita ket sibibiag paylaeng ti “binnadang system” a maysa kadagiti napintas a kultura ken panag-ug-ugali dagiti Cordilleran.
Naragsak nga imbinglayna a nagatang ti kargana a carrot ken nakaawid metten daytoy iti nagtaudanna a lugar.
Immunan nga impeksa ti League of Associations ken ti La Trinidad Vegetable Trading Areas nga apektado ti locally-produced product gapu iti smuggling activity.
Maibasar iti kaudian a monitoring ti BAPTC, magatang ti tunggal kilo ti carrot iti P10 agingga P25.