Bwineltaan ni Leyte Representative Richard Gomez ti maysa a saanen nainaganan a city mayor gapu iti akusasyon daytoy a korapsyon kadagiti kongresista.
Iti impablaak ni Gomez iti social media page daytoy, kweskwestyunaranna nu apay a mapaspasamak ti inladawanna a nonstop talk ti dakdakamatenna a city mayor maipapan iti maatap a korapsyon iti Kongreso.
Sigun kenni Gomez, saan a rumbeng a mairaman dagiti amin a kongresista iti nasao nga akusasyon nu addaan iti parikut ti nasao a mayor iti bukodna a representative.
Kagiddan dayta, impetteng ti Leyte Representative a sakbay nga agitudo ti nasao a mayor ket risuten na pay nga umuna dagiti parikut iti masakupanna kas iti saan a sumaysayaat a kalidad iti angin, saan nga umdas a parapubliko a transportasyon, parikut iti waste disposal, ti adu unay wenno overcrowded a populasyon, kaadda dagiti illegal structures kasta metten ti saan nga organisado nga urban planning.
