Maysa ni Sandara Park kadagiti guest performer iti sold-out concert ti Black Eyed Peas a naangay iti Paris La Défense Arena idiay France.
Iti maysa a social media account, impablaak ti maibilbilang a K-Pop legend dagiti ladawan manipod iti panag-performna bayat ti konsierto pakairamanan ti panagkantada iti Filipino singer a ni Apl.de.Ap iti ngato ti stage.
Pinagyaman ni Sandara ti grupo a Black Eyed gaputa naimbitaran daytoy nga agperform iti pabuya daytoy ken mabasa pay ti caption daytoy a “The show was [fire]!” ken “I love you Apl.de.Ap!!! I love Black Eyed Peas!!! I love Paris!!! Merci.”
Iti sabali met a post, imbinglay ni Apl.de.Ap ti maysa a video-na iti panagkaduada kenni Sandara idiay Paris.
Iti video, maimatangan ti dua a naragsak a nagkinnita manen dagitoy.
Maipalagip a nagturong ni Sandara iti Pilipinas kaduana ti maysa a miembro ti 2NE1 a ni Minzy nu sadinno nagpasyar dagitoy iti mall ti Makati City ken bimmisita iti beach idiay Batangas.
