BAGUIO CITY-Naapektaran ti sangapulo a mannalon iti Andap idiay Englandad Atok ita nga aldaw.
Iti phone interview ti Bombo radyo kenni Atok Councilor Edward Haight, kinunana a bassit ti imbati ti andap a dadael kadagiti mula gapu ta andap resistance dagiti immula dagiti mannalon kas iti radish, carrots ken patatas.
Kinunana pay a naapiten dagiti mula dagiti mannalon idiay Atok Benguet sakbay ti napasamak nga andap idi kalman.
Innayon pay ti opisyal a dagiti sabong ti naapektaran iti andap ngem nupay kasta ket minimal ti panaka-apektarna.
Sigun pay iti opisyal, a nakasursuron dagiti mannalon iti stratehiya tapno saand a malugi ti kitada nu maapektaranda iti andap.
Nupay kasta, paga-ayat dagiti turista ti napasamak nga andap nu sadinno tinurongda dagiti lugar a naapketaran iti andap.
Maysa ti andap nga attraksyon ti turismo iti nasao a Munisipyo.
Kagiddan dayta, iti agtultuloy a panagsangpet dagiti turista iti nasao a munisipyo.
Kasaruno met ti panangpalagipda kadagiti turista a sumurotda kadagiti health protocols gapu ta nangato ti nasao a lugar kayatna a sawen a naingpis ti oxygen.
Maipalagip a nailista ti 2 degrees celscius kas kababaan a temperatura idi kalman iti nasao a munisipyo iti Benguet.//hana
