--Ads--
BAGUIO CITY – Nasarakan ti sangapulo ket dua a pidaso ti iligal a naputed a Benguet pine lumber idiay Kennon Road, Camp 4, Tuba, Benguet.
Sangapulo kadagiti naputed a kayo ket agrukod ti 2″x3″x7″ ken dua (2) a pidaso ket 3″x3″x6″.
Nasarakan dagiti nasao a kayo bayat ti panagpatrolya ti Tuba Municipal Police Station nu sadino nakalemmeg iti igid ti kalsada nga asideg iti Bued river.
Pakabuklan nga agrukod dagiti nasarakan a kayo ti 44 board feet ken mapatta-patta nga agbalor ti P2,376.
Awan met ti natiliw a suspek manipud iti lugar a nakasarakan dagiti kayo.
Kabayatanna, manamnama a maipaima iti Tuba Municipal Environment and Natural Resources Officer dagiti kayo.//Bombo Jez Lapizar
