USA – Anya ti aramidem nu maysa ti negosyom kadagiti nabiktima dagiti prankster?
Maysa a babai ti nag-order ti sangapulo ket innem a large pizzas iti maysa a pizza shop idiay Ohio, USA idi Mayo 7.
Ti sangapulo ket innem a pizza ket agbalor ti US$112 wenno P6,576.25.
Walo kadagiti large pizza ket cheese bayat pepperoni ti walo a daduma pay.
Sigun iti manager ti pizza shop a ni Rockey Keefer, saanna a ninamnama nga adda ti naidumduma maipapan iti order ti babai.
Gapu ta idi Mayo 8, saan a timmabuno ti babai iti oras a nagtulaganda a pagpick-upanna iti nasao nga order.
Kabayatanna, naduktalan ti pizza shop a ti phone number ti babai ket naka-link iti maysa nga app para iti prank calls babaen iti panagaramatda ti bogus a number.
Sigun pay iti manager, saanda a ninamnama a mapasak ti nasao nga insidente kadakuada nangruna ta binusbosda ti oras da ken impasigurado da a napintas ti panakaaramid dagiti pizza.
Nupay kasta, dagiti pizza ket ginatang laengen ti maysa nga US Army veteran nga agtagikua metlaeng ti lokal a negosyo idiay Estados Unidos.
Binaliwan pay ti nasao a pizza shop ti polisiya dagitoy seknan iti panagoder dagiti customer via calls.
