BAGUIO CITY – Iyaw awis ti Department of Environment and Natural Resources (DENR) Cordillera kadagiti residente iti rehiyon a makipasetda iti Search for the Biggest Tree kas paset ti panakarambak ti Environment Month Activity iti nasao nga ahensya.
Sigun iti DENR CAR, ti Search for the Biggest Tree ket nakalukat iti amin a residente ti rehiyon, indibidual man wenno grupo malaksid kadagiti empleyado ti DENR.
![](https://img.bomboradyo.com/baguio/2022/06/286620957_395793389257144_3358766816683874022_n-1.jpg)
Sakop ti programa ti anyaman nga species ti kayo kas iti Benguet pine, Narra, Dao, White Lauan) nu sadino daytoy ket natural a dimakkel ken saan a naimula.
Maibasar pay iti mechanics, picturan ti biggest tree nu sadino daytoy ket natalged ken awan iti anyaman a dadael daytoy.
Isubmitir laeng ti entry iti kaasitgan a CENRO, PENRO wenno Regional Office wenno ag e-mail ti ahensya agingga inton June 14, 2022.
Ti dua a winners iti daytoy ket makaawat iti 25,000 pesos tunggal species.