--Ads--
Agtultuloy ti Search, rescue ken retrieval operations iti narba a pasdek idiay Angeles City, Pampanga.
Sigun kenni BFP-Region 3 Public Information Office chief Fire Superintendent Maria Leah Sajili, 24/7 ti isaysayangkat dagitoy nga operation.
Iti agdama, agtaltalinaed nga innem ti bilang dagiti pimmusay bayat nga agarup 14 dagiti mapukpukaw.
Kabayatanna, nasarakan dagiti otoridad ti maysa a motorcycle, cash box ken dadduma pay.
Patien dagiti otoridad a kukua daytoy dagiti agama a vendor a maatap a karaman kadagiti biktima.
Sigun kadagiti otoridad, naduktalan ti panaggaraw iti sirok ti narba a pasdek, ngem saan a kompirmado no panaggaraw daytoy ti tao.
Maipalagip a nagba ti siam a kadsaaran a pasdek kabayatan ti konstraksion idi May 24, 2026.
