Inwaragawag ni presidential sister ken Senator Imee Marcos a saan daytoy a dumar-ay iti maika-lima nga State of the Nation Address (SONA) ti kabsat na a ni President Ferdinand Marcos, Jr.
Iti maysa nga interview, impetteng ni Sen. Imee a madi ti rikna dagitoy gapu iti mapapati a panangipabalud ti presidente kadagiti minority members.
“Okay lang pakikinggan ‘yun nga lang masama ang loob namin dahil pinakukulong, kinakasuhan ang minority. ‘Di ko kaya eh, masama ang loob ko d’yan eh.”
Nagkawes metlaeng ti nasao a senadora iti nangisit nupay saanna a direkta a sinungbatan nu simbolo daytoy iti panagprotestana.
Immuna metten a kinumpirmar ti Senate Minority leader Alan Peter Cayetano a saan daytoy nga agatendar iti SONA.
Sigun kenni Sen . Imee, adu pay dagiti miyembro ti minority ti saan a dumar-ay iti SONA. Inlawlawagna met a saanda daytoy a pinagtutulagan nu di ket personalda a desisyon. //bombokaren.c.sapirao
