Maibilbilang kas “person of interest” ni Senator Robin Padilla iti nagturungan ken panaggikkat ni Senator Ronald “Bato” dela Rosa iti senado.
Sigun kenni National Bureau of Investigation (NBI) director Melvin Matibag, ni Senator Padilla ti kakaisuna a makaibaga iti lokasion ni Senator dela Rosa.
Innayonna nga agtumtumpal laeng ti NBI instruksion manipud iti Department of Justice (DOJ) mainaig iti nasao a banag.
Impetteng ni Matibag a rumbeng a ni Padilla, Senate President Alan Peter Cayetano, Senate Sergeant-at-Arms ken retired Police Major General Mao Aplasca ti pagdamagan iti lokasion ni Sen. dela Rosa.
Sigun kenni Matibag, ginundawayan ni dela Rosa ti panagikkat kabayatan ti putukan iti Senado a kinumpirmar met ti asawa ti nasao a Senador.