Nagkaayosen da Senador Juan Miguel Zubiri ken Senator Alan Peter Cayetano kalpasan ti nabara nga argumento dagitoy iti senado idi kalman.
Maipalagip a ti saan a panagkinaawatan dagiti dua a senador ket gapu iti panagkwestionar ni Zubiri iti panagsingit ni Cayetano tapno pagtalantanan dagitoy ti Senate Concurrent Resolution No. 23 maipapan iti panagusar dagiti EMBO barangays iti karbengan dagitoy nga agbotos para iti congressional representative inton 2025 midterm elections.
Sigun kenni Zubiri, saan a paset ti agenda ti senado ti Senate Concurrent Resolution No. 23 idi kalman gapu ta daytoy ket naituding a mapagtalantanan ita nga aldaw.
Kabayatanna, kinuna ni Senador Ronald “Bato” dela Rosa a ti napasamak nga argumento dagiti dua a senador ket mangipaspasimudaag a seryoso dagitoy iti trabahoda bayat nga impeksa ni Senate President Francis Escudero a natural laeng kadagiti senador nga agbalin nga emosyonal.
