Impakaamo ni Senador Panfilo “Ping” Lacson a naipaayan ni sigud a House Speaker Martin Romualdez iti saan a bummaba iti dua a gundaway nga agtestigo iti sidong ti panagsapatana tapno sungbatan dagiti alegasion kontra kenkuana seknan iti kontrobersia iti 2025 national budget ken mapapati a korapsion kadagiti infrastructure project.
Sigun kenni Senador Lacson, impatulod ti Blue Ribbon Committee babaen kadagiti opisial ti imbitasion kenni Romualdez tapno ilawlawag ti mapapati a “panagbaluktot” iti budget a pinaglibakanna met ken dinakamatna da Senador Francis “Chiz” Escudero ken sigud nga Ako Bicol Partylist Representative Zaldy Co.
Nupay kasta, saan a nakipaset ni Romualdez kadagiti panagdengngeg idi Nobyembre 14, 2025 ken Enero 19, 2026.
Naingetna met a pinaglibakan ti aniaman a pannakairamanna iti korapsion ken kinunana nga awan ti ebidensia a mangpaneknek a daytoy ket nagbasol iti plunder wenno kapada a krimen.
Kabayatanna, nagkiddaw ti Office of the Ombudsman iti Sandiganbayan iti hold departure order kontra kenni Romualdez.
Numan pay pinatgan ni House Speaker Faustino “Bojie” Dy III nga agbiahe ni Romualdez para iti medical procedure daytoy idiay Singapore, kinuna ni Jesus Crispin “Boying” Remulla a napagkedkedan ti kiddawna.
