Binabalaw ni sigud a Senate President Vicente Sotto III ti naisayangkat a panagdengngeg iti grupo a pakairamanan da Senador Alan Peter Cayetano ken Senador Rodante Marcoleta, nga inawaganna nga “unofficial and unauthorized.”
Iti statement, kinuna ni Sotto a mapapati a saan a dimar-ay iti pormal a plenary sessions ti nasao a grupo ken imbes kidti, nangisayangkat iti bukodna a panagdengngeg nga awan ti pammalubos.
Inakusaranna metlaeng dagitoy iti “power grab” ken kinunana a makadadael iti institusion iti Senado ken iti talek iti publiko.
Impaganetget pay ni Sotto nga adda metlaeng ti mapapati a pangta kadagiti kameng iti Senado nu saan a sumurot wenno agtulnong iti grupo.
Immunan a nagpangta ni Cayetano a mabalin a sumango iti kaso ti siasinoman nga aglapped iti panagdenggeg.
