Impeksa ni Senador Joel Villanueva ti panagakarna iti baro a majority bloc iti Senado ket addaan panggep nga agpokus iti legislative activity, a nagbalin a susi iti panangbukel iti baro a liderato iti Senado.
Ti panagakarna ket kasaruno ti panagaklon ni Senador Alan Peter Cayetano a saannan a mapagtalinaed ti posisionna kas Senate President, kalpasan a naala ti baro a majority ti umdas a bilang iti botos tapno mabutosan ti baro a lider.
Kasaruno daytoy, pormal a nabutosan ni Senador Sherwin Gatchalian kas baro a Senate President iti special session, kalpasan nga i-nominate ni Senador Juan Miguel Zubiri ken naala ti nagkaykaysa a botos iti sangapulo ket tallo a senador a nakipaset.
Naideklara ti quorum iti special session, a pinasetan iti 13 a senador karaman da Senador Francis “Chiz” Escudero ken Joel Villanueva, nga agpada a sigud a paset iti Cayetano bloc.
