Sinukatan ni Senator Robin Padilla ni Senator Ronald “Bato” Dela Rosa kas miyembro ti Senate Committee on Accountability of Public Officers and Investigastion.
Naikat gaminen ni Senator Dela Rosa iti nasao a komite gapu iti saanna a iyuyuneg iti Senado sipud idi Nobyembre idi napalabas a tawen.
Indaulona ni Senate Deputy Majority Leader JV Ejercito ti pannakaibutos ni Padilla kas paset iti nasao a komite no sadino awan ti kinmontra kadigiti dadduma a senador.
Dagos met nga inaprobaran daytoy ni Senate President Vicente Sotto III.
Maipalagip nga idi Nobyembre idi napalabas a tawen, rinmuwar ti damag iti maatap a panangipaulog ti International Criminal Court kontra kenni Senator Dela Rosa seknan iti kaso a sangsangwen ita ni sigud a President Rodrigo Duterte. //Bombo Karen Calpoe Sapirao
