Agsagsaganan dagiti Senador iti posible a panangipasa ti Kongreso iti Articles of Impeachment kontra kenni Vice Presidente Sara Duterte.
Sigun kenni Senate President Vicente “Tito” Sotto III, napagsaritaanda ti panagsaganada iti naisayangkat a caucus idi Huebes, April 30.
Nagsasaritaan metlaeng dagiti Senador ti logistics ti maysa nga impeachment court.
Kabayatanna, sangapulo laeng a Senador ti dimmar-ay iti nasao a caucus nga indaulwan ni Senate President Sotto, Senate President Pro Tempore Panfilo “Ping” Lacson, Majority Leader Miguel Zubiri, Sen. Risa Hontiveros, Sen. Loren Legarda, Sen. Lito Lapid, Sen. JV Ejercito, Sen. Raffy Tulfo, Sen. Robin Padilla, ken Sen. Pia Cayetano.
Inlawlawag ni Senate President Sotto nga awan paylaeng ti naituding nga aldaw seknan iti panagrugi ti trial iti kanito a maisubmitir ti Articles of Impeachment iti Senado.
