Kidkiddawen ita ni Senator Jinggoy Estrada iti Sandiganbayan nga aksyunanda ti urgent motion na iti tengnga ti posible a panangipaulog ti arrest warrant kontra kenkuana gapu iti kaso a plunder.
Daytoy ket mainaig iti maatap a panangawatna iti kickbacks manipud iti naanomalyaan a flood control projects.
Sigun kenni Senatot Estrada, saan laeng a teknikal ti nasao nga isyu ngem paset daytoy iti karbenganna a due process.
Iti baet dayta , inlawlawagna a saanna a taktakasan ti responsibilidadna iti linteg nu diket depdepensaanna laeng ti bagina.
Innayonna pay a nakasagana daytoy a paneknekan nga awan kinapudnona dagiti akusasyon a maibatbato kenkuana.
Kabayatanna, iti met benneg ti Philippine National Police, impettengda a mabalinda nga arestaren ti nasao a senador uray maipasidung daytoy iti Senate protective custody. //bombokaren.c.sapirao
