--Ads--
Naiturungen iti New Quezon City Male Dormitory Jail ni Senator Jinggoy Estrada, kalpasan a boluntaryo a simmuko kadagiti otoridad.
Simmangpet ti Senador iti Quezon City Jail idiay Payatas, Quezon City pasado 8:00 p.m ita a rabii ti Lunes, Hunio 01, 2026.
Maipalagip a boluntaryo a simmuko ti Senador, sumagmamano nga oras kalpasan nga impaulog ti Sandiganbayan Fifth Division ti warrant of arrest gapu iti kaso a plunder.
Dimmalan daytoy iti umno a proseso babaen iti panaggala ti fingerprints ken mugshots iti head office ti Criminal Investigation and Detection Group (CIDG) idiay Camp Crame.
Kalpasan daytoy, naisubli ti Senador iti Sandiganbayan para iti return-of-warrant no sadino, inkeddengda nga ibalud ti Senador iti Quezon City Jail.
