Impasigurado ni Senator Joel Villanueva iti miembro ti Jesus is Lord Church a dumar-ay iti anyaman nga special session iti Senado.
Iti maysa a video message a naibuya iti worship service ita a Domingo, kinuna ni Villanueva a nakasagana a mangtungpal iti pagrebbenganna kas legislator no adda ti special session.
Sigun pay iti Senador, arigna a naiipit iti tengnga ti saritaan ti dua a bloc.
Impettengna a saan a nalaka ti napasaranna kadagiti napalabas a bulan.
Inaklona pay nga adda dagiti panawen a masapul a pilien no ania ti umno iti baet a saan a nalaka.
Maipalagip a karaman ni Villanueva iti bloc ni Senator Alan Peter Cayetano a saan a dimmar-ay iti naudi a tallo nga aldaw session ti Senado sakbay ti sine die adjournment.
Gapu iti daytoy, naitantan ti pannakaisubmitir dagiti sumagmamano a gakat ken ti kompirmasyon ti promosyon dagiti sumagmamano nga opisial ti militar.
