Nangipila iti pyansa ni sigud a Bamban, Tarlac Mayor Alice Guo iti kasona a graft.
Nupay kasta, agtalinaed ladta ti panakadetain daytoy gapu iti sabali a kasona ken ti contempt orders a naipaay kenkuana manipud iti Senado ken iti House of Representatives.
Ni Guo ket nagpyansa iti P540-K iti Valenzuela City Regional Trial Court Branch 282 iti kaso daytoy a panaglabsing iti Section 3(e) ken 3(h) of Republic Act 3019 wenno ti Anti-graft and Corrupt Practices Act.
Maipalagip a ti kaso daytoy a graft ket impila ti Department of the Interior and Local Government (DILG) gapu iti maatap a kainaiganna iti Philippine Offshore Gaming Operator (POGO) sadiay Bamban, Tarlac.
Kabayatanna, impakaammo ni Stephen David, ti abogado ni Guo a naakseptaren ni Guo ti sitwasyon daytoy ken intalekna iti Apo a namarsua nu anya dagiti sumaruo a mapasamak.
