Nasentensiaan ni sigud a Honduran President Juan Orlando Hernandez iti uppat a pulo ket lima (45) a tawen a pannakaibalud.
Kasaruno daytoy ti kasona a panaglako iti droga no sadino pagbaybayadenda pay daytoy iti $8 million kas multa.
Immuna metten daytoy a napaneknekan dagiti hurado idiay New York a guilty ni Hernandez iti tallo a kasona iti panaglako iti droga kalpasan ti dua a lawas a hearing iti Manhattan federal court.
Na-extraditie metlaeng daytoy idiay Honduras kalpasan a nangipila ti United States Department of Justice iti tallo a kaso a mainaig iti panaglakona iti droga ken paltog.
Ad-adda pay nga inakusaran ti piskal ti 55-anyos a ni Hernandez a nakinayon daytoy kadagiti drug cartel no sadino nagala pay dagitoy iti 400 a tonelada a cocaine manipud Honduras agingga idiay United States.
Iti baet dayta, pinaglibakan met daytoy ni Hernandez a saan nga us-usto ti akusasyon kenkuana gapu ta imbente laeng dagitoy.//Rose
