--Ads--
Naiturong iti ospital ti sigud a kontraktor a ni Pacifico “Curlee” Discaya II para iti pannakaipasidongna iti operasyon iti abaga.
Sigun kenni Senate Secretary Mark Llandro “Dong” Mendoza, inaprobaran ni Senate Blue Ribbon Committee chairman Panfilo Lacson ti kiddaw ti kampo ni Discaya.
Innayon ti nasao nga opisial a posible nga agbayag ni Discaya iti ospital, aginga iti pito nga aldaw.
Kas paset ti proseso, nakaposas ni Discaya sakbay a nairuar iti Senado.
Naipasigurado metlaeng a nainget a bantayan ti Senate Security ni Discaya bayat nga adda iti ospital.
Maipalagip a naibalud ni Discaya iti Senado idi Setiembre 2025, kalpasan a macite in contempt ti Senate Blue Ribbon Committee iti panagdenggeg ti naanomalyaan a flood control projects.
