Nakapiyansa ni sigud a Negros Oriental Governor Pryde Henry Teves kalpasan a nakemmeg daytoy gapu iti kaso a terorismo.
Dagos a nairuar daytoy kalpasan a nakapagiyansa ti P600,000 para iti tallo a kaso ti panaglabsingna ti Terrorism Financing Suppression Act of 2012.
Ti kabsatna a ni sigud a Negros Oriental Representative Arnolfo “Arnie” Teves Jr., ket agpada a sumangsango iti nasao a kaso.
Sigun iti Department of Justice (DOJ), ni Arnie Teves ket manarimaan ti deportation proceedings sadiay Timor Leste.
Kinuna pay ti nasao nga ahensia nga umdas ti ebidensia tapno maiparangarang a ti agkabsat ket ar-aramatenda ti assets dagitoy tapno mapondoan ti aktibidad mainaig iti terorismo.
Agpada a pinaglibakan ti dua ti nasao nga alegasion kontra kadakuada.
Maipalagip a nakemmeg ni Henry Teves itay nabiit idiay Dumaguete City, Negros Oriental.
Kinuna ti Philippine National Police a mabigbigbig ni Henry Teves kas “most wanted person” iti Provincial Level No. 1 ken Regional Level No. 1.
Imbilang ti Anti-Terrorism Council (ATC) idi August 2023 ni Teves ken ti kabsatma karaman ti sangapulo ket maysa a dadduma pay.
