--Ads--
Pormal a naidarumen ti sigud prime minister ti Thailand a ni Thaksin Shinawatra gapu iti maipagarup a panag-insultuna iti monarkia iti nasao a pagilian.
Daytoy ti kinumpirmar ti opisina ti attorney-general ita nga aldaw.
Gapu iti daytoy, manamnama a mangkiddaw ni Thaksin iti piyansa para iti temporaryo a panakkawayawayana manipod iti criminal court a nagtaud iti interview ti maysa a media idi 2015.
Maipalagip a ni Thaksin Shinawatra ket maysa a Thai businessman ken politician.
Nagserbi daytoy iti Thai Police manipod 1973 agingga 1987 ken nagbalin a Prime Minister ti Thailand manipod 2001 agingga 2006.
