Agtaltalinaed ti kinakurang dagiti silid pagadalan iti rehion Cordillera.
Iti interview ti Bombo Radyo kenni Joel Capulong, presidente ti ACT-CAR UNION, kinunana a dumanon iti 2,030 dagiti kurang a classroom iti rehion.
Maibasar iti datos ti Department of Education- CAR, dumanon iti 114 a silid pagadalan ti kurang iti suidad ti Baguio ; 540 iti probinsia ti Benguet; Abra a 295; Kalinga a 264; Ifugao a 220; Apayao a 112 bayat a dadduma a bilang ket sadiay Mt. Province.
Iti sabali a bangir, inaklon ni Capulong a mapaspasamak iti realidad ti “mass promotion” kadagiti estudiante.
Sigun kenkuana, maibasar daytoy iti obserbasyonda kas mannursuro.
Impetteng daytoy a kasapulan a sukimaten ti Department of Education (DEPED) ti maipapan iti transmutation kadagiti grado dagiti estudiante kasta metlaeng ti sistema ti nasao nga ahensia.//mp4
