Umanamong ti Department of Budget and Management (DBM) iti singasing a mai-livestream amin a deliberasion ti Kongreso para iti 2026 National Budget.
Sigun kenni Budget Secretary Amenah Pangandaman, kayatna nga accessible iti publiko dagiti amin a budget deliberations kasta met ti bicameral conference committee proceedings.
Panggepna a mapatibker ti transparency ken tapno ad-adda nga aktibo ti partisipasion dagiti tunggal Pilipino seknan iti National budget.
Kabayatanna, impeksa ni Sec. Pangandaman a ti sektor ti edukasyon paylaeng ti kadakkelan iti investment iti 2026 National Budget.
Maipalagip nga opisyal nga impaima ti DBM ti a P6.793 trillion a 2026 National Expenditure Program wenno singasing a pondo itay nabiit.
Dakdakkel daytoy iti 7.4% manipud iti PHP 6.326 trillion a National Budget ita a tawen.
