Dimmanon iti agarop 1.9 milyon a deboto ti nakikaykaysa iti tradisyonal a prusisyon iti Santo Niño de Cebu idi Sabado bayat a dumanon met iti 5.2 a tattao dagiti nagbuya iti parada iti Sinulog Festival idi kalman.
Sigun iti Cebu City Police Office, naannayas ken natalged a naisayangkat ti prusisyon nu sadino, nagtalinaed a nainget ti security alert iti lugar a dimmalanan daytoy kasta metten para iti grand parade ken pormal a panakarambak iti Sinulog Festival idi kalman.
Kabayatanna, iti kaunaan a gundaway ket nagleppas ti selebrasyon para iti nasao a piesta iti nasapsapa ngem alas otso iti rabii.
Daytoy ket maysa a pinagsaganaan dagiti maseknan nga opisyales sadiay tapno mapasayaat ti crowd comfort ken tapno saan unay a mabannog dagiti agur-uray kadagiti main events iti nasao a pasken.
