BAGUIO CITY – Dumanonen iti siam a pulo ket dua (92) ti pakabuklan a bilang dagiti natamaan iti dengue idiay Atok manipod Enero agingga Agosto a dies ita a tawen, sigun daytoy iti kaudian a datus nga impasada kenni kenni Atok Mayor Franklin Smith.
Iti baet dayta, agyamyaman ni Mayor Smith ta awan ti nailista a pimmusay gapu iti nasao a sakit iti masakupanna.
Sigun iti mayor, agtultuloy ti addang ken panagreggetda iti panakaidanon ti 4S kadagiti residente tapno maliklikan ti panagngato ti bilang dagiti maapektaran iti nasao a sakit.
Ti 4S ket pakairamanan ti Search and Destroy breeding sites, Self-protection measures, Seeking early consultation, ken ti Support fogging/spraying nu sadino saksaklawen daytoy ti 4P.M habit a panagdalos iti arubayan.
Kabayatanna, pagyamyamanan met ni Mayor Smith dagiti Barangay Health Workers a mangmonmonitor kadagiti bumarangay nu sadino adda metten a nakasagana dagiti health facilties kadagiti babbarangay dagitoy.//Bombo Rob Dominguez
