Manarimaan a maisaysayangkat ti Presidential snap Election idiay South Korea kalpasan ti impeachment ni sigud a South Korea President Yoon Suk Yeol gapu iti panangideklarana iti Martial Law idi December 2024.
Ti nasao Presidential snap Election ken nagrugi iti 6:00 AM ken agleppas daytoy intun 8:00 PM ita nga aldaw.
Iti pannakiuman ti Bombo Radyo kenni Ruel Toquero, Bombo International News Correspondent idiay South Korea kinunana a dumanon iti 14,295 dagiti polling station bayat 44.4 Million dagiti botante.
Sakbay ti snap election, naisayangkat ti early voting iti nagduduma a paset ti nasao a pagilian.
Nagrugi daytoy idi May 1, 2025 no sadino, nakipasetan dagiti tallo a presidential Aspirants a da Lee Jae-myung manipud iti Democratic party; Kim Moon-soo manipud iti People Power Party ken Lee Jun-seok manipud iti New reform Party.
Sigun kenni Toquero, limma dagiti nangipila iti certificate of candidacy ngem dua laeng ti nainget nga agbalballobal para iti presidency ti pagilian a South Korea.
Iti agdama, nangideploy ti National police Academy iti 13,000 a police personnel kadagiti nadumaduma a polling station a mangpatalinaed iti highest level of Emergency Security.
Nainget nga ipatungpalda ti highest level of Emergency Security gapu iti nabara a rally kabayatan ti impeachment ni sigud a South Korea President Yoon Suk Yeol.
Nupay kasta, kinuna ni Toquero a naannayas ken natalna ti election sadiay
Kabayatanna, manamnama a maiproklamar ti baro a presidente ti pagilian a South Korea intun June 04, 2025//mp4
