Narekober ti Philippine National Police ti maatap nga explosives wenno bomba iti taxiway ti Ninoy Aquino International Airport (NAIA) Complex idi laeng Domingo.
Iti statement ti nasao nga opisina, narekober ti Aviation Security Group Explosives Ordinance Disposal ken K9 Unit ti “Explosive Remnants of War” a buklen ti innem a general-purpose a bomba nga addaan kadagsen a sag-50 pounds
Kabayatan iti follow-up clearing operation dagitoy, narekoberda metlaeng ti uppat a bomba nga addaan kadagsen a 50 pounds, ken 18 pay a bomba nga agdagsen iti 25 pounds.
Impakaammo ti kapulisan nga awanen ti pangta kadagiti nakasarakan dagiti nasao a bomba.
Naipaima metten dagiti bomba idiay Aviation Security Unit headquarters para iti dokumentasyon ken safekeeping.
“We assure the public that every report of possible threat is taken seriously and addressed with urgency and care,” sigun kenni PNP chief Police General Jose Melencio Nartatez Jr. //bombokaren.c.s
