BAGUIO CITY – Nainget a pinaglibakan ni ACT-CIS Partylist Representative ken Benguet Caretaker Eric Go Yap ti mays a social media post a nangilanad nga agpapaaramat dagiti frontliners iti panakaisabotahe ti gobyerno.
Nailanad iti nasao a post a ti waragawag ket nagtaud wenno imbaga ni Yap a nagresulta iti panangbabalaw dagiti netizens kenkuana.
Impetteng met ni Yap a peke ti nasao a post.
Inyunay-unayna nga iti immuna a waragawagna ket awan ti naisawsawangna mainaig kadagiti medical frontliners a mangipalpalubos a maaramatda iti interes iti pulitika.
Sigun kenkuana, binigbigna laeng dagiti maar-aramidan dagiti frontliners ken dinakamatna bassit ti kongkreto nga aksion nga ar-aramiden ita ti gobyerno kontra iti COVID-19.
Iti video ni Yap a naipablaak iti social media, insawangna ti “Mayroon pong post si Jefferson Cosalan ang sinasabi niya po boss, ang boss po niya ay si Congressman Ronnie Cosalan just in case na gusto niyang tumakbo sa Benguet sa darating na election di niya kailangan mangampanya at siya po ay mananalo na, Mr. Jefferson Cosalan nakakalungkot po kung ito po ay gagamitin niyo sa pagkampanya sa inyo na po ang congressional seat. Hindi ko po kailangan ng congressional seat para sa 2022.”
Dagus met a simmungbat ni sigud a Benguet Representative Atty. Ronald Cosalan ken ditoy a kiniddawna ti panagannad ni Yap iti isyu.
“It has come to my attention that Rep. Eric Yap of ACT-CIS Partylist and presently the caretaker of the Lone District of Benguet has dragged my name in a video he posted in his FB page regarding a post by Jefferson Cosalan. I humbly request Rep. Yap to be more circumspect in dealing with the issue.”
Kinumpirmarna a kabagianna ni Jefferson Cosalan ngem linawlawaganna a saan a pulos a nagbalin nga empleyadona ti nasao a kabagianna idi agserserbi daytoy kas kongresista ti Benguet.
Iti baro a video iti social media, kinuna ni Yap a nagkiddaw daytoy iti dispensar kenni sigud a Congressman Cosalan.
