Madanagan ti Philippine Society of Nephrology Inc. kadagiti social media post seknan iti panangilako iti kidney kasukat iti concert tickets.
Sigun iti grupo, numan pay mabalin nga angaw dagiti nasao a post, ti organ trafficking ken comercialization dagiti organ ket serioso nga isyu a panaglabsing iti linteg ken ethics.
Kinuna iti nasao nga organisasion a ti nasao a panangiladawan ket mabalin a mapukaw ti dignidad iti tao ken kinapateg iti ethical iti organ donation.
Ginuyugoy metlaeng iti PSN dagiti indibidual, organisasion, ken brand nga agridam ken sensitibo iti panagaramid iti post seknan iti salun-at ken dignidad iti tao.
Impaganetget ti grupo a ti panagdonar iti organ ket maysa a natauan ken makaispal-biag nga aramid a rumbeng a matrato a nabuyogan ti panagraem ken responsibilidad.
