Naadalen ken naplanon ti Local Government Unit ti munispyo ti La Trinidad, Benguet dagiti addang a makitkita a possible a mangsolusyon iti pasaray pannakalayos dagiti sumagmamano a paset ti lugar ken kalsada iti nasao a munisipyo.
Iti panakiuman ti Bombo Radyo kenni La Trinidad Mayor Roderick Awingan, kinunana nga addan ti napasamak a meeting dagitoy kaduada ti Department of Public Works and Highways ken dadduma pay a kameng ti munisipyo.
Daytoy ket tapno mabukel ti mitigating measure seknan iti panaglayos kadagiti sumagmamano a lugar iti nasao a munisipyo.
Dagitoy ket pakairamanan ti Junction sadiay Wangal, East, Poblacion, Strawberry farm, Km 4, Bayabas ken dadduma pay.
Nupay kasta, kinuna ti mayor a dakkel a pundo ti kasapulan para kadagitoy.
Sigun iti mayor, naduktalan nga adda ti narba a retaining wall a maysa kadagiti rason iti mangituntunda iti panakalayos iti Junction sadiay Wangal, East ken Poblacion.
Iti baet dayta, kinunana a manarimaan mettten ti panakatarimaan daytoy.
Kabayatanna, sadiay met Bayabas, Pico, La Trinidad, Benguet isingsingasing ti munisipyo nga ipa-cease and desist wenno ipasardeng dagiti indibidual a manarimaan nga agipatpatungpal iti development sadiay Dreamland.
Gapu iti dayta, manarimaan a dukduktalen dagitoy no addaan dagitoy iti permit.
Malaksid iti dayta, inlawlawag ti mayor ti rason iti masansan a panaglayos ti Km 4 no sadino daytoy ket gaputa adu ti volume ti danum nga agay-ayos iti Balili river.
Innayonna pay nga amin a danum a magapu iti siudad ti Baguio ket agturong iti Balili river rason a pangpanggependa ti panangimuntar iti drainage tapno agbalin a dua ti pagayusan ti danum.
Panggepda metlaeng a mapababa ti karayan tapno iti kasta ket saanen nga umapaw ti danum iti nasao a karayan.//Bombo Noveh Organo
