BAGUIO CITY – Kinarit manen ni South Korean Fighter Kwon Won IL ni Team Lakay Fighter Stephen Loman iti laban ita a tawen.
Iti mensahe ni One Bantamweight Contender Kwon Won IL, ipaayan na iti gundaway ni Loman a mangibales iti panakaabak ti teammate na a ni Kevin ‘ The Silencer’ Belingon manipud kenkuana.
Impettengna ti South Korean Fighter nga isuna laeng ti fighter iti ONE Championship a makaipaay iti exciting a laban kontra iti team lakay fighter gaputa sigun kenkuana ket boring ti style ni Loman.
Kumpiyansa pay ni Won a nangibaga a mabuteng ni Loman a manglaban kenkuana sadiay South Korea isut gapuna nga isuna ti umay iti Pilipinas apno aglaban dagitoy la ketdi itulok ti ONE Championship.
Kabayatanna, impeksa met ni Loman nga ita paylaeng ket nakasaganan daytoy a sumango iti laban.
